2ኛ ጢሞቴዎስ 1

AMHEVGአማርኛ17 ጥቅሶች2:35 አዳምጥ

አዳምጥ 2:35 · መደበኛ · አስደናቂ በBiblight ይክፈቱ

1በክርስቶስ ኢየሱስ እንደሚሆን የሕይወት ተስፋ፥ በእግዚአብሔር ፈቃድ የኢየሱስ ክርስቶስ ሐዋርያ የሆነ ጳውሎስ፥

2ለተወደደው ልጄ ለጢሞቴዎስ፤ ከእግዚአብሔር አብ ከጌታችንም ከክርስቶስ ኢየሱስ ጸጋና ምሕረት ሰላምም ይሁን።

3ሌትና ቀን በልመናዬ ሳላቋርጥ ስለማስብህ እንደ አባቶቼ አድርጌ በንጹሕ ሕሊና የማመልከውን እግዚአብሔርን አመሰግናለሁ፤

4እንባህን እያሰብሁ በደስታ እሞላ ዘንድ ላይህ እናፍቃለሁ።

5በአንተ ያለውን ግብዝነት የሌለበትን እምነትህን አስባለሁ፤ ይህም እምነት ቀድሞ በአያትህ በሎይድ በእናትህም በኤውንቄ ነበረባቸው፥ በአንተም ደግሞ እንዳለ ተረድቼአለሁ።

6ስለዚህ ምክንያት፥ እሳት እንደሚያቀጣጥል ሰው፥ እጆቼን በመጫኔ በአንተ ያለውን የእግዚአብሔርን ስጦታ እንድታነሣሣ አሳስብሃለሁ።

7እግዚአብሔር የኃይልና የፍቅር ራስንም የመግዛት መንፈስ እንጂ የፍርሃት መንፈስ አልሰጠንምና።

8እንግዲህ በጌታችን ምስክርነት ወይም በእስረኛው በእኔ አትፈር፥ ነገር ግን እንደ እግዚአብሔር ኃይል መጠን ስለ ወንጌል አብረኸኝ መከራን ተቀበል፤

9ያዳነን በቅዱስም አጠራር የጠራን እግዚአብሔር ነውና፥ ይህም እንደ ራሱ አሳብና ጸጋ መጠን ነው እንጂ እንደ ሥራችን መጠን አይደለም፤ ይህም ጸጋ ከዘላለም ዘመናት በፊት በክርስቶስ ኢየሱስ ተሰጠን፥

10አሁን ግን በመድኃኒታችን በኢየሱስ ክርስቶስ መገለጥ ታይቶአል። እርሱ ሞትን ሽሮአልና እኔ ሰባኪና ሐዋርያ አሕዛብንም አስተማሪ እንድሆን በተሾምሁበት በወንጌል ሕይወትንና አለመጥፋትን ወደ ብርሃን አውጥቶአል።

12ስለዚህም ምክንያት ይህን መከራ ደግሞ ተቀብዬአለሁ፥ ነገር ግን አላፍርበትም፤ ያመንሁትን አውቃለሁና፥ የሰጠሁትንም አደራ እስከዚያ ቀን ድረስ ሊጠብቅ እንዲችል ተረድቼአለሁ።

13በክርስቶስ ኢየሱስ ባለ እምነትና ፍቅር አድርገህ፥ ከእኔ የሰማኸውን ጤናማ ቃል ምሳሌ ያዝ፤

14መልካሙን አደራ በእኛ በሚኖረው በመንፈስ ቅዱስ ጠብቅ።

15በእስያ ያሉቱ ሁሉ ከእኔ ፈቀቅ እንዳሉ ታውቃለህ፥ ከእነርሱም ፊሎጎስና ሄርዋጌኔስ ናቸው።

16ጌታ ልሄኔሲፎሩ ቤተ ሰዎች ምሕረትን ይስጥ፥ ብዙ ጊዜ አሳርፎኛልና፤

17በሰንሰለቴም አላፈረበትም፥ ነገር ግን በሮሜ ባደረ ጊዜ ፈልጎ ፈልጎ አገኘኝ፤

18በዚያን ቀን ከጌታ ምሕረትን እንዲያገኝ ጌታ ይስጠው፤ በኤፌሶንም እንዴት እንዳገለገለኝ አንተ በደኅና ታውቃለህ።

ማብራሪያ

፩፥፩-፭ በክርስቶስ ኢየሱስ ለሚያምኑት የተሰጠው የዘላለም ሕይወት ተስፋ፣ በእግዚአብሔር ፈቃድ መሠረት ለተሰማሩ አገልጋዮች ዋነኛ የትምህርት ርዕስ ነው። እዚህ የተጠቀሱት በረከቶች ከእግዚአብሔር አብና ከጌታችን ከኢየሱስ ክርስቶስ ጋር ሰላም እንዲኖራቸው ለምንወዳቸው ወዳጆቻችን ልንለምንላቸው ከሁሉ የሚበልጡ ናቸው። የምናደርገው መልካም ነገር ሁሉ ክብሩ የእግዚአብሔር መሆን አለበት። እውነተኛ አማኞች በየዘመኑ ሁሉ በመሠረታዊነቱ አንድ የሆነ እምነት አላቸው። እምነታቸው ቅን ነው፤ ፈተናን ይቋቋማል፤ በውስጣቸውም እንደ ሕያው መርህ ያድራል። በዚህም መንገድ ቅዱሳት ሴቶች፣ እጅግ በጣም ጥሩና ጠቃሚ አገልጋይ ሆኖ ከወጣው ከጢሞቴዎስ ጋር ሎይስና ኤዎኒቄ ካደረጉት ስኬት ብርታት ሊያገኙ ይችላሉ። የክርስቶስ ቤተክርስቲያን የተባረከችባቸው እጅግ ክቡርና ጠቃሚ አገልጋዮች መካከል አንዳንዶቹ፣ በእናቶቻቸው ወይም በሌሎች ሴት ዘመዶቻቸው ትምህርት በአእምሯቸው ላይ ለተፈጠሩት ቀደምት መንፈሳዊ መሠረቶች እግዚአብሔርን አመስግነዋል።

1:6-14

እግዚአብሔር የፍርሃትን መንፈስ አልሰጠንምና፣ ነገር ግን ችግሮችንና አደጋዎችን ለመጋፈጥ የሚያስችል የኃይል፣ የድፍረትና የቆራጥነት መንፈስን እንጂ፤ በመንፈሳዊ ተቃውሞዎች ሁሉ የሚያሻግረን የእርሱን ፍቅር መንፈስን፤ እንዲሁም ጤናማ አእምሮን፣ የአእምሮ ሰላምን መንፈስን ሰጥቶናልና። መንፈስ ቅዱስ ፈሪ ወይም አቅመቢስ አስተሳሰብ፣ እንዲሁም የባርነት ፍርሃት ምንጭ አይደለም። መከራዎችን እንድንጸና ከእግዚአብሔር ኃይልና ብርታት ሲኖረን፣ በሚገባ መሸከም እንችላለን።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

ENGNIV Paul, an apostle of Christ Jesus by the will of God, according to the promise of life that is in Christ Jesus, English BCV ብክርስቶስ ኢየሱስ ንዝርከብ ናይ ህይወት ተስፋ፥ ብፍቓድ እግዚኣብሄር፥ ሃዋርያ ኢየሱስ ክርስቶስ ካብ ዝኾነ ጳውሎስ፥ ትግርኛ GAZBIB Ani Phaawulos jaalala Waaqayyootiin ergamaa Kristos Yesus ta'ee, akka abdii jireenya isa karaa Kristos Yesus argamutti … Afaan Oromoo BCV GIZ እምጳውሎስ ሐዋርያሁ ለኢየሱስ ክርስቶስ በፈቃደ እግዚአብሔር ወበተስፋ ሕይወት እንተ በኢየሱስ ክርስቶስ። giz GAZGAZ Ani Phaawulos jaalala Waaqayyootiin ergamaa Kristos Yesus ta'ee, akka abdii jireenya isa karaa Kristos Yesus argamutti … Afaan Oromoo BCV aksum ብክርስቶስ ኢየሱስ ንዝርከብ ናይ ህይወት ተስፋ፥ ብፍቓድ እግዚኣብሄር፥ ሃዋርያ ኢየሱስ ክርስቶስ ካብ ዝኾነ ጳውሎስ፥ ትግርኛ AMHNIV በክርስቶስ ኢየሱስ ቃል በተገባው የሕይወት ተስፋ መሠረት፣ በእግዚአብሔር ፈቃድ የክርስቶስ ኢየሱስ ሐዋርያ የሆነ ጳውሎስ፤ አማርኛ SWAHSUV Paulo, mtume wa Kristo Yesu, kwa mapenzi ya Mungu; kwa ajili ya ahadi ya uzima ulio katika Kristo Yesu; Kiswahili