2ffaa Mootota 17

GAZGAZAfaan Oromoo41 Keeyyattoota12:09 Dhaggeeffadhu

Dhaggeeffadhu 12:09 · Idilee · Diraamaawaa Biblight keessatti bani

1Ahaaz mootiin Yihudaa mo'ee waggaa kudha lammaffaa isaatti, Hose'a ilmi Elaa mootii ta'ee Samaariyaa keessa taa'ee, Israa'el irratti waggaa sagal in mo'e.

2Innis immoo wanta Waaqayyo duratti hamaa ta'e in hojjete; haa ta'u iyyuu malee, hamma mootonni Israa'el warri isa dura turan hojjetan hamaa hin hojjenne.

3Hose'a yeroo tokko Shalmaaneser mootii Asoritti of kennee isa in gabbara ture; amma garuu Shalmaaneser isa loluudhaaf in ba'e.

4Hose'a mootichi mootii Gibxii isa “Soo” jedhamutti namoota ergachuu isaatiin, gibira isa mootii Asoriif waggaa waggaatti baasaa ture dhiisuu isaatiinis isa irratti korachuu isaa mootiin Asor hubatee bira in ga'e; kanaaf Shalmaaneser mootichi Hose'a qabsiisee mana hidhaatti in galchisiise.

5Yommus mootiin Asor loluudhaaf guutummaa biyyattiitti in duule; Samaariyaattis ol ba'ee waggaa sadiif isheetti in marse.

6Hose'a mo'ee waggaa salgaffaa isaatti mootiin Asor mandara Samaariyaa qabatee, Israa'eloota immoo booji'ee, gara Asoritti geessee, kutaa biyya Haalaa, kutaa biyya Gozaan, laga Haabor bukkee mandaroota Miidiyaan keessas isaan in qubsiise.

7Kun hundinuu sababii Israa'eloonni Waaqayyoon isa harka mootii Gibxii jalaa isaan baase yakkaniif isaanitti dhufe; isaan waaqayyolii tolfamoo in waaqeffatan,

8akka seerrata waaqessuu saba garaa garaa warra Waaqayyo isaan duraa ari'ee baasetti, akka seerrata waaqessuu mootonni Israa'el qopheeffatanittis in deddeebi'an.

9Israa'eloonni dhoksaatti iddoo riqaan eegdotaa jiran biratti Waaqayyo gooftaa isaanii duratti wanta qajeelaa hin ta'in in hojjetan; mandaroota isaanii warra masaraa qaban hundumaa keessatti iddoowwan sagadaa ol ka'oo in ijaarratan.

10Isaan tulluu dhedheeraa hundumaa irratti, muka baala lalisaa qabu hundumaa jalattis utuboota dhagaa qulqullaa'ootti ilaalamanii fi bifa Asheeraa waaqayyittii tolfamtuu mukkeetii irraa qiqqirixamanii hojjetaman in dhadhaabbatan.

11Akkuma sabni garaa garaa warri Waaqayyo fuula isaanii duraa ari'ee baase hojjechaa turan, Israa'eloonnis iddoowwan ol ka'oo hundumaa irratti aarsaa in dhi'eessan; wanta hamaa hojjechuu isaaniitiinis Waaqayyoon tuttuqanii in aarsan.

12Waaqayyolii tolfamoo warra Waaqayyo,“Hin sagadinaaf” jedheefis in sagadan.

13Waaqayyo,“Karaa keessan isa hamaa irraa deebi'aa! Abboommii koo fi seerrata koo isa ani seera godhee abboota keessaniif kennee, karaa hojjetoota koo raajotaa isinitti erge sana eegaa!” jedhee karaa raajota isaa fi ilaaltota isaa hundumaa namoota Israa'elii fi namoota Yihudaa akeekkachiiseera.

14Isaan garuu, akkuma abboota isaanii mataa jabaatanii Waaqayyoof amanamuu didan malee, isaaf hin dhageenye.

15Seerrata isaa fi kakuu Waaqayyo abboota isaaniif kakate, isa inni isaan akeekkachiises in tuffatan; wanta waa'ee hin baafne duukaa bu'anii kan waa'ee hin baafnes ta'an; Waaqayyo,“Wanta sabni naannoo keessan jiran hojjetan hin hojjetinaa!” jedhee yoo isaan abboome iyyuu, isaan didanii hojii jara sanaa duukaa in bu'an.

16Abboommii Waaqayyo gooftaa isaanii hundumaa dhiisanii, bifa Asheeraa bifa baqfamaa fakkeenya jabboota lamaa fi bifa fakkeenya Asheeraa waaqayyittii tolfamtuu in tolchan; urjoota bantii waaqaa keessa jiran hundumaaf in qoomma'an, Ba'aaliifis in sagadan.

17Ilmaan isaanii fi intaloota isaanii ibiddaan gubanii aarsaa godhanii in dhi'eessan; Waaqayyoon tuttuqanii aarsuudhaaf, ayyaana in hedu, hooda in dubbatu, wanta isa duratti hamaa ta'e gochuuttis dabarsanii of in kennu turan.

18Waaqayyo kana irratti Israa'elitti baay'isee waan aareef gosa Yihudaa duwwaa hambisee warra kaan fuula isaa duraa in fageessise.

19Haa ta'u iyyuu malee, namoonni Yihudaa iyyuu abboommii Waaqayyo gooftaa isaanii hin eegne; isaan seerrata waaqessuu namoonni Israa'el qopheeffatan duukaa in bu'an.

20Kanaaf Waaqayyo sanyii Israa'el guutummaatti tuffatee fuula isaa duraa hamma isaan gatutti gad deebisee, harka saamtotaatti dabarsee isaan in kenne.

21Waaqayyo mootummaa Israa'el mootummaa Yihudaattii erga gargar baasee booddee, Israa'eloonni Yerobi'aamin ilma Nebaat in moosifatan; Yerobi'aam garuu sabni Israa'el Waaqayyoon duukaa bu'uu dhiisanii cubbuu guddaa isaa akka hojjetan in godhe.

22Namoonni Israa'el cubbuu Yerobi'aam hojjete hundumaa hojjechuu ittuma cimsan malee, irraa hin deebine;

23kunis Waaqayyo akkuma karaa hojjetoota isaa raajotaa dubbate, hamma Israa'eloota fuula isaa duraa fageessisetti in ta'e; kana booddee isaan biyya isaaniitii baafamanii gara biyya Asoritti geeffamanii, hamma har'aatti achi in jiraatu.

24Mootiin Asor mandaroota Baabilonii Kutaa, Awaa, Haamaatii fi Sefarwaayimii namoota fidee, iddoo namoota Israa'el mandaroota Samaariyaa keessa isaan in qubsiise; isaan yommus biyya Samaariyaa qabeenya isaanii godhatanii mandaroota ishee keessa in jiraatan.

25Isaan yeroo dura achitti galanitti Waaqayyoon hin waaqessine; kanaafis Waaqayyo leencota isaanitti in erge; leenconni sun namoota sana keessaa gar tokko in ajjeesan.

26Yommus namoonni mootii Asoritti,“Namoonni ati biyyaa baaftee mandaroota Samaariyaa keessatti galchite wanta Waaqayyo biyya sanaa isaan irraa eeggatu waan hin beekneef, inni leencota isaanitti in erge; kunoo, leenconnis sababii jarri wanta Waaqayyo biyya sanaa isaan irraa eeggatu hin beekneef, isaan fixuutti jiru” jedhanii in himan.

27Yommus mootiin Asor,“Luboota warra Samaariyaadhaa boojitan keessaa tokko Samaariyaatti deebi'ee achi akka jiraatu, wanta Waaqayyo biyya sanaa namoota irraa eeggatus akka isaan barsiisu godhaa!” jedhee, abboommii in baase.

28Kana irratti luboota warra Samaariyaadhaa booji'aman keessaa tokko dhufee Bet'el keessa taa'ee, attamitti Waaqayyoon akka isaan waaqessan isaan in barsiise.

29Haa ta'u iyyuu malee, namoonni qomoo garaa garaa keessaa dhufan sun mandaroota ofii isaaniitii keessa jiraatan keessatti waaqayyolii tolfamoo hojjetatanii, galma warri Samaariyaa iddoowwan ol ka'oo irratti duraan ijaaran keessa in kaa'atu turan.

30Waaqayyolii tolfamoo yeroo hojjetatanis, namoonni Baabilon “Suukoot-Benot” kan jedhamu, namoonni Kutaa “Nergaal” kan jedhamu, namoonni Haamaat“Ashiimaa” kan jedhamu in tolchisiifatan.

31Namoonni Awaa “Niibhaazii fi Tartak” kan jedhaman in tolchisiifatan; namoonni Sefarwaayim waaqayyolii tolfamoo isaanii warra “Adraamelekii fi Anaamelek” jedhamaniif ijoollee isaanii ibiddaan gubanii aarsaa godhanii in dhi'eessan.

32Isaan Waaqayyoonis in waaqessan; kana biratti immoo namoota ofii isaanii keessaa warra galma iddoowwan ol ka'oo irra jiran keessatti isaaniif hojjetan luboota in godhatan.

33Waaqayyoof in sagadu, garuu akkuma seera waaqessuu saba garaa garaa warra dur keessaa ba'aniitti, waaqayyolii tolfamoo ofii isaaniifis in hojjetu turan.

34Jarri kun hamma har'aatti iyyuu akkuma seera waaqessuu isaanii duriitti hojjetu malee, Waaqayyoon hin waaqessan, seerrata isaa wanta isa duratti qajeelaa ta'e, seera isaa yookiis abboommii isaa isa inni ijoollee Yaaqoob abboome sana hin eegne; Yaaqoob kun immoo isa inni“Israa'el” jedhee moggaasee dha.

35Waaqayyo yommuu Israa'elootaaf kakuu galee isaan abboome,“Waaqayyolii kan biraa hin waaqeffatinaa! Isaaniif hin qoomma'inaa! Isaaniif hin hojjetinaa! Yookiis aarsaa isaaniif hin dhi'eessinaa!

36Garuu ana Waaqayyo isa humna jabaadhaa fi irree koo isa ol fudhatameen biyya Gibxii keessaa baasee isin fide waaqeffadhaa, anaaf qoomma'aa, aarsaa anaaf dhi'eessaa!

37Seerrata, wanta ana duratti qajeelaa ta'e, seeraa fi abboommii ani isiniif caafe yeroo hundumaa eegaa! Waaqayyolii kan biraa garuu hin waaqeffatinaa!

38Kakuu ani isiniif gale hin irraanfatinaa, waaqayyolii biraas hin waaqeffatinaa!

39Garuu ana Waaqayyo goofticha keessan waaqeffadhaa! Harka diinota keessan hundumaa jalaa kan isin baasu, ana” jedhe.

40Isaan garuu akkuma seera waaqessuu isaanii duriitti hojjetan malee, isaaf hin dhageenye.

41Sabni garaa garaa kun Waaqayyoon in waaqeffatu akkasumas bifa waaqayyolii tolfamoo isaaniitiif in hojjetu; ijoolleen isaanii fi ijoolleen ijoollee isaanii akkuma abboonni isaanii hojjechaa turan, isaanis hamma har'aatti iyyuu akkasuma in hojjetu.

Ibsa

17:1-6 Yeroo safarri cubbuu guutu, Waaqayyo deebi'ee hin obsu. Jiraattonni Samaariyaa dhiphina guddaa mudachuu qabu turan. Isiraa'eloonnii hiyyeeyyii muraasni lafa keessa hafaniiru. Warri booji'amanii gara fagootti fudhataman, biyya oromoo keessatti irra caalaa dhabaman.

Boqonnaa 17

Boqonnaan kun boojuu gosa kudhananii nuuf ibsa; akkasumas seenaa mootummaa sanaa, erga Yerobi'aam ilma Nabaat mootii ta'ee waggaa 265f turee booda, xumura isaa nuuf kenna. Keessatti, I. Badinsa kanaa gabaabaatti ibsa (lak. 1-6). II. Waaqayyo keessatti qajeelaa ta'uu isaa fi warra kaan akeekkachiisuuf, irratti yaadaa fi sababoota isaa (lak. 7-23). III. Saboota lafa isaanii dhaalan, akkasumas amantii walmakaa isaan gidduutti hundeeffame ibsa (lak. 24-41).

Lakk. 1-6

Asitti mootummaa fi badinsa Hoose'aa, mootota Israa'el keessaa isa dhumaa, kan ilaallatu qabna; isa ilaalchisee wantoota armaan gadii hubadhaa:

I. Inni gantummaa fi ajjeechaadhaan (akka 2 Mootota 15:30 irratti dubbisnu) teessoo mootummaa qabate iyyuu, waggaa torba yookiin saddeet booda malee hin qabanne; sababiin isaas, inni Peqah kan ajjeese waggaa afraffaa Ahaazitti ture, garuu inni mataan isaa mootii ta'uu kan jalqabe waggaa kudha lammaffaa Ahaazitti ture (lak. 1). Mootii Ashuur, yookiin mootii Yihudaa, yookiin namoota isaa tokko tokkoon ta'uu isaa hin mul'atu, garuu yeroo dheeraadhaaf teessoo inni barbaade irraa akka dhoorkame ni mul'ata. Gochawwan isaa gadheen akkasitti adabaman, akkasumas dubbiin raajichaa (Hoose'aa 10:3) akkasitti raawwatame: “Waaqayyoon waan hin sodaanneef, amma mootii hin qabnu” jedhu.

II. Inni gadhee ta'us, mootota Israa'el isa dura turan hamma isaanitti gadhee hin turre (lak. 2), akkasumas dibichaaf hamma isaanitti hin bitamne. Yihuudoonni akka jedhanitti, tokko isaanii (kan Daanitti ture) duraan mootii Ashuurin, duula 2 Mootota 15:29 irratti galmaa'e keessatti, booji'amee ture (kanarraa raajichi Hoose'aa 8:5 irratti, “Dibichi kee, yaa Samaariyaa! si gatteera” jedhee dubbachuu danda'a), kunis isa kaan irratti amanamummaa isaa akka hir'isu isa godhe. Namoonni tokko tokko immoo Hoose'aan kun dhoorkaa mootonni duraanii namoota isaanii irratti kaa'an, Yerusaalemitti waaqeffachuuf deemuu dhoorku, akka kaase, akkasumas warra fedhii qaban akka deeman heyyame jedhu. Garuu qophii Waaqayyoo kana ilaalchisee maal jenna laata, badinsi mootummaa Israa'el mootota isaa warra gaarii keessaa tokko mootii ta'eetti dhufuu isaa? Firdiiwwan kee, yaa Waaqayyo! baay'ee gadi fageenya qabu. Waaqayyo badinsa kana isaan irratti fiduudhaan kan inni adabuuf akka ture agarsiisuuf,

1. Dhiifama cubbuu dhaloota sanaa qofa osoo hin taane, kan dhaloota duraanii, akkasumas cubbuu abbootii isaanii, warri yeroo dheeraadhaaf safara guutaa turan, fi dheekkamsa guyyaa dheekkamsaa kanaaf kuusaa turan, adabuuf ture.

2. Cubbuu mootota isaanii qofa osoo hin taane, cubbuu saba sanaas. Hoose'aan mootota duraanii hamma isaanitti gadhee yoo hin taane iyyuu, sabni garuu warra isa dura turan hamma isaanitti gadhee turan, akkasumas gadhummaan isaanii kun cimaa ture, fi badinsa saffisaan fide, sababiin isaas mootiin isaanii fakkeenya gadhee mootonni duraanii kennan hin kennine, akkasumas akka isaan hin jijjiiramne hin dhoorkine; inni akka isaan caalaatti hojjetan heyyameef, garuu isaan akkuma duraanii gadhee ta'an, kunis balleessaa cubbuu fi badinsa isaanii guutummaatti ofii isaanii irratti kaa'e.

III. Badinsi sun suuta suutaan dhufe. Yeroo muraasaaf mootii Ashuuritti booji'amuu isaanii dura, gibira kan kaffalan turan (lak. 3), akkasumas yoo firdiin xiqqaan sun isaan gadi deebisuu fi isaan jijjiiruu danda'ee ture, inni guddaan ni dhoorkama ture.

IV. Jinfira mootii Ashuur irraa of buusuuf karaa sirrii hin taane waan hordofaniif, ofii isaanii irratti fide (lak. 4). Mootiin fi sabni Israa'el Waaqayyotti yoo dhiyaatanii, nagaa isaa wajjin godhatanii fi isa kadhatanii turan, bilisummaa, boqonnaa fi ulfina isaanii deebisanii argachuu danda'u turan; garuu gibira isaanii dhoorkan, akkasumas mootii Gibxii irratti hirkatan, akka isaan fincila isaanii keessatti isaan gargaaruuf, kunis yoo milkaa'ee ture iyyuu, cunqursoota isaanii jijjiiruu qofa ta'a ture. Garuu Gibxiin isaaniif ulee qaqalloo cabaa taate. Kunis mootii Ashuur akka isaan irratti caalaatti jabaatee deemuuf isa kakaase. Namoonni kiyyoo wajjin loluudhaan homaa hin argatan, garuu ofii isaanii caalaatti walitti hidhu.

V. Badinsi guutuu isaan irratti dhufe.

1. Mootiin Israa'el hidhamaa ta'e; inni hidhamee cufame, Samaariyaan osoo hin marfamne dura, tasa qabamuu isaa mala.

2. Lafi Israa'el boojuu taate. Waraanni mootii Ashuur lafa guutuu irratti dhufe, ofii isaanii abbaa lafaa godhatan (lak. 5), akkasumas saba sana akka warra gantuu seeraan adabamuu qabanitti, osoo hin taane akka diina qajeelaatti qaban.

3. Magaalaan mootummaa Israa'el marfamtee, booda qabamte. Erga biyyi injifatamee booda waggaa sadiif of qabde, akkasumas yeroo sana rakkoo guddaan akka ture, kan addatti hin galmaa'in, shakkii hin qabu; garuu gabaabin seenaa kanaa, fi dhimma kana salphaatti dabarsuun, Waaqayyo isaan akka dhiise, akkasumas yeroo sana rakkoo Israa'el akka duraan godhe hin ilaalle, natti fakkaata.

4. Sabni Israa'el gara Ashuuritti booji'amanii fudhataman (lak. 6). Namoonni baay'een, warri beekamoo turan, gara biyya injifataa sanaatti dirqamaan fudhataman, achitti garbootaa fi hiyyeessota ta'uuf.

(1.) Akkasitti inni isaan irratti aboo isaa hojiirra oolchuuf, akkasumas isaan guutummaatti to'annaa isaa jala akka jiran agarsiisuuf gammade.

(2.) Qabeenyaa fi lafa isaanii, kan socho'uu fi hin sochoone, isaan irraa fudhachuudhaan, akkasumas biyya ormaatti, waraana aboo qabeessa jala, geejjibsiisuudhaan rakkoo fi arrabsoo hundumaaf isaan saaxiluudhaan, fincila isaanii fi jinfira isaa of irraa buusuuf yaalii isaaniif isaan adabe.

(3.) Akkasitti inni yaaliiwwan akkasii gara fuulduraatti dhufan hundumaa guutummaatti dhoorke, akkasumas biyya isaanii ofii isaatiif eeggachuu danda'e.

(4.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG በይሁዳ ንጉሥ በአካዝ በአሥራ ሁለተኛው ዓመት የኤላ ልጅ ሆሴዕ በእስራኤል ላይ በሰማርያ ንጉሥ ሆነ፤ ዘጠኝ ዓመትም ነገሠ። አማርኛ ENGNIV In the twelfth year of Ahaz king of Judah, Hoshea son of Elah became king of Israel in Samaria, and he reigned nine yea… English BCV ኣካዝ ኣብ ይሁዳ ምስ ነገሰ ኣብ መበል ዓሰርተ ኽልተ ዓመቱ፥ ሆሴዕ ወዲ ኤላ ኣብ ሰማርያ ኣብ ልዕሊ እስራኤል ነገሰ፤ ትሽዓተ ዓመት ከዓ ገዝአ። ትግርኛ GAZBIB Ahaaz mootiin Yihudaa mo'ee waggaa kudha lammaffaa isaatti, Hose'a ilmi Elaa mootii ta'ee Samaariyaa keessa taa'ee, Isr… Afaan Oromoo BCV GIZ ወአመ ዓሠርቱ ወካልእ ዓመተ መንግሥቱ ለአካዝ ንጉሠ ይሁደ ነግሠ ሆሴዕ ወልደ ኤላ በሰማርያ ለእስራኤል ተስዓተ ዓመተ። giz BCV aksum ኣካዝ ኣብ ይሁዳ ምስ ነገሰ ኣብ መበል ዓሰርተ ኽልተ ዓመቱ፥ ሆሴዕ ወዲ ኤላ ኣብ ሰማርያ ኣብ ልዕሊ እስራኤል ነገሰ፤ ትሽዓተ ዓመት ከዓ ገዝአ። ትግርኛ AMHNIV የይሁዳ ንጉሥ አካዝ በነገሠ በዐሥራ ሁለተኛው ዓመት፣ የኤላ ልጅ ሆሴዕ በሰማርያ ከተማ በእስራኤል ላይ ነገሠ፤ ዘጠኝ ዓመትም ገዛ። አማርኛ SWAHSUV Katika mwaka wa kumi na mbili wa Ahazi mfalme wa Yuda Hoshea mwana wa Ela alianza kutawala juu ya Israeli katika Samari… Kiswahili