2ffaa Seenaa Baraa 34

GAZGAZAfaan Oromoo33 Keeyyattoota8:40 Dhaggeeffadhu

Dhaggeeffadhu 8:40 · Idilee · Diraamaawaa Biblight keessatti bani

1Yosiyaas dhalatee waggaa saddeetitti mootii ta'ee, Yerusaalem keessa taa'ee waggaa soddomii tokko mo'e;

2Yosiyaas mootichi Waaqayyo duratti wanta qajeelaa ta'e in hojjete; hojii abaabiliin isaa Daawit hojjete irraas gara mirgaatti yookiis gara bitaatti hin jal'anne.

3Inni mo'ee waggaa saddeettaffaa isaatti, amma iyyuu ijoollee ta'ee utuma jiruu Waaqayyoon isa kan Daawit abaabilii isaa in barbaaddate; mo'ee waggaa kudha lammaffaa isaatti Yerusaalemii fi Yihudaa keessaa iddoowwan sagadaa ol ka'oo, utuboota dhagaa Asheeraa waaqayyittii tolfamtuuf dhadhaabaman, bifa fakkeenya waaqayyolii tolfamoo qiqqirixamanii fi baqfamanii hojjetamanii balleessuu jalqabe.

4Iddoowwan Ba'aaliif itti aarsaa dhi'eessan diigsisee, iddoowwan aarsaa ixaanaa warra isaan gara irraa jiran in hunkuteesse; jarris utuboota dhagaa Asheeraa waaqayyittii tolfamtuuf dhadhaabaman, bifa fakkeenya waaqayyolii tolfamoof hojjetamanii sana caccabsanii hurreessanii awwaala warra isaaniif aarsaa dhi'eessaa turanii irratti in firfirsan.

5Akkasumas inni lafee luboota warra waaqayyolii tolfamoof hojjechaa turanii iddoo aarsaa isaanii irratti in gube; kana hundumaa gochuu isaatiin Yihudaa fi Yerusaalemin in qulleesse.

6Kana malees, mandaroota biyya Minaasee fi biyya Efreem, mandaroota biyya Shimi'oonii kaasee hamma mandaroota biyya Niftaalemitti akkasuma in godhe.

7Iddoo aarsaa fi utuboota dhagaa Asheeraa waaqayyittii tolfamtuuf dhadhaabaman buqqisiisee, bifa fakkeenya waaqayyoliis in hurreessise; iddoo aarsaa ixaanaas biyya Israa'el hundumaa keessaa hunkuteessee erga fixee gara Yerusaalemitti in deebi'e.

8Yosiyaas mootii ta'ee waggaa kudha saddeettaffaa isaatti biyyichaa fi mana qulqullummaa erga qulleessee booddee, mana qulqullummaa isa kan Waaqayyo gooftaa isaatii akka haaressaniif Shaafaan ilma Azaaliiyaa, Ma'aseyaa bulchaa mandarichaa fi Yo'aak ilma Yo'aahaaz isa caaftichaa wajjin in erge.

9Jarri kun yommus horii mana qulqullummaatiif kenname isa Lewwoonni warri karra eegan namoota Minaasee, namoota Efreem, gosoota Israa'el gara bitaatti warra hafan, guutummaa namoota Yihudaa fi namoota Benyaamiin akkasumas warra Yerusaalem keessa jiraatan irraa walitti qaban, Hilqiiyaa angafa lubichaatti in geessan.

10Horichis namoota irra adeemanii hojii mana qulqullummaa ilaalanitti in kenname; isaan immoo namoota manicha akka isaa duriitti deebisanii haaressanii ijaaraniif in baasan.

11Akkasumas ijaarsa adda addaa warra mootonni Yihudaa akka isaan jigan godhan deebisanii haaressuuf akka ta'utti dhagaa soofamaa, muka isa ittiin wal irra qaxxaamursanii jabeessanii fi utuboota akka ittiin bitaniif warra muka soofanii fi ijaartotatti horicha in kennan.

12Warri ijaaran sunis hojicha amanamummaadhaan in hojjetan; hojicha adeemsisuudhaaf immoo sanyii Lewwii ilmaan Meraarii keessaa, Yaahaatii fi Obaadiyaa, ilmaan Qehaatotaa keessaa Zakaariyaasii fi Meshulaamiif aboon in kenname; Lewwoota keessaa warri mi'a faarfannaatiin faarfachuu beekan immoo,

13warra ba'aa baatanii fi hojjetoota warra hojii humnaa hojjetan faarfannaadhaan toosisanii in hojjechiisu turan; isaan keessaa garri kaan immoo caaftota, geggeessitootaa fi karra eegdota turan.

14Utuu isaan horii gara mana qulqullummaatti geeffame sana baasaa jiranii, Hilqiiyaan lubichi macaafa seera Waaqayyoo isa karaa Musee kennamee ture sana in argate.

15Hilqiiyaan yommus Shaafaanin isa caafticha waamee,“Macaafa seeraa mana qulqullummaa keessaa argadheera” jedhee, macaaficha isatti in kenne.

16Yommus Shaafaan macaaficha gara mootichaatti geessee,“Nuyi hojjetoonni kee wanta abboomamne hundumaa gooneerra;

17horii mana qulqullummaa keessa jiru sana fuunee warra hojii adeemsisanii fi warra hojjetootatti kennineerra” jedheen.

18Kana booddee Shaafaan inni caaftichi,“Macaafa kana Hilqiiyaa lubichatu anatti kenne” jedhee, mootichatti hime; achumaan fuula isaa duratti macaaficha in dubbise.

19Yosiyaas mootichi dubbii seera keessatti caafame sana yommuu dhaga'e, na'ee dinqifatee uffata isaa in tarsaase.

20Achumaanis Hilqiiyaa, Ahiiqaam ilma Shaafaan, Abdoon ilma Miikiyaas akkasumas Shaafaanin isa caaftichaa fi Asaayaa isa mana isaa keessa ergamu waamee,

21“Isin dhaqaatii, waa'ee dubbii macaafa isa argame kana keessatti caafamee, anaaf, namoota Israa'elii fi Yihudaa keessatti hafaniif Waaqayyoon gaafadhaa! Abboonni keenya dubbii Waaqayyoo eeguu, akka macaafni kun jedhuttis jiraachuu waan dhiisaniif, dheekkamsi Waaqayyoo inni guddaan nu irratti dhangala'e” jedhe.

22Yommus Hilqiiyaanii fi warri mootichi isaa wajjin erge sun gara raajittii“Huldaa” jedhamtuu dhaqanii, isheetti in himan; isheen haadha manaa Shaalum ilma Toqihat Hasiraa isa uffata eeguu ti; isheen kutaa mandara Yerusaalem isa lammaffaa keessa in jiraatti turte.

23Isheen isaanitti dubbattee,“Namicha isa gara kootti isin erge kanaan,“Waaqayyo gooftaan inni kan Israa'el:-

24kunoo ani wanta hamaa innis abaarsa macaafa fuula mootii Yihudaa duratti dubbifame keessa jiru hundumaa iddoo kanaa fi saba iddoo kana keessa jiraatan irratti nan fida.

25Isaan ana dhiisanii waaqayyolii biraatiif ixaana waan aarsaniif, waan hojjetan hundumaanis tuttuqanii waan ana aarsaniif, dheekkamsi koo iddoo kana irratti in boba'a, deebi'ees hin dhaamu jedha” jedhaanii!”

26Itti fuftees mootii Yihudaa isa Waaqayyoon gaafachiiffachuuf gara kootti isin ergeetti dubbadhaa,“Waaqayyo gooftaan inni kan Israa'el waa'ee dubbii isa ati dhageesseetiif kan inni sitti dubbatu dhaga'i!

27Inni,“Garaan kee dubbii ana Waaqayyo keetiin rukutamee isa ani iddoo kana irratti saba isa keessa jiraatan irrattis dubbadhe yommuu dhageesse gad of deebiftee, uffata kee tarsaaftee ana duratti waan boosseef, ani immoo kadhata kee siif dhaga'eera.

28Kunoo! Ati duutee abboota kee biratti nagaadhaan akka awwaalamtu nan godha; iji kees badiisa isa ani iddoo kanaa fi saba iddoo kana keessa jiraatanitti fidu hundumaa hin argu jedhe?” jette; warri ergaman sunis deebi'anii deebii isheen kennite hundumaa mootichatti in himan.

29Kana irratti Yosiyaas mootichi geggeessitoota Yihudaa fi Yerusaalem hundumaa walitti in qabe;

30mootichi yommus namoota Yihudaa fi namoota Yerusaalem keessa jiraatan, lubootaa fi Lewwoota akkasumas namoota gurguddootaa fi xixinnayyoota hundumaa wajjin gara mana qulqullummaatti ol in ba'e; inni achitti dubbii“Macaafa kakuu” isa mana qulqullummaa keessaa argame keessatti caafame hundumaa akka isaan dhaga'anitti isaaniif in dubbise.

31Mootichi Waaqayyo duukaa bu'uuf, abboommii isaa, seerrata isaa fi seera isaa garaa isaa fi yaada isaa guutuudhaan eeguuf, dubbii“Macaafa kakuu” kana keessatti caafameefis abboomamuudhaaf iddoo isaaf kenname dhaabatee Waaqayyo duratti kakuu isaa in haaresse.

32Namoonni Yerusaalemii fi kutaa biyya Benyaamiin keessaa dhufanis tokko tokkoon ka'anii kakuu sanatti akka galan in godhe; yommus namoonni Yerusaalem keessa jiraatan kakuu Waaqayyo gooftaa isa kan abboota isaanii sanaaf in abboomaman.

33Yosiyaas waaqayyolii ciigga'amoo hundumaa guutummaa biyya Israa'el keessaa baasee, namoonni Israa'el hundinuu Waaqayyo gooftaa isaanii akka waaqeffatan in godhe; hamma bara jireenya isaatiitti isaan Waaqayyo gooftaa isa kan abboota isaanii irraa gara hin galle.

Ibsa

34:1-33 Mootummaa gaarii Yosiyaas Yihudaa keessatti.

Yeroon daa'imummaa namootaaf faayidaa hin qabneef, dardarummaan keenya jalqabaa Waaqayyoof guutummaatti kennamuu qaba, akka yeroo jireenyaa gabaabaa hafe kamiyyuu hin balleessineef. Warri Waaqayyoon barbaadan, akkasumas yeroo daa'imummaatti faayidaa qabeessa ta'uuf qophaa'an, yeroo warri kaan fedha cubbuu duukaa bu'anitti, amaloota gadhee horatanitti, fi walitti dhufeenya balleessaa uumanitti, eebbifamoo fi ogeessota. Dhukkubbii sodaa Waaqayyoo yeroo daa'imummaatti argamuun irra oole, akkasumas bu'aa isaa eebbifamaa eenyutu ibsuu danda'a? Of-qorannaa cimaan fi dammaqinaan jiraachuun garaa keenya kajeeltuu fi hamaa ta'uu isaa, akkasumas cubbamummaa jireenya keenyaa nu amansiisa. Asitti Waaqayyo duratti of gad deebisuuf, akkasumas akka Yosiyaas godhe sana isa barbaaduuf nu jajjabeessamna. Akkasumas amantoonni asitti du'a sodaachuu dhabuuf, garuu isa simachuuf, yeroo inni hammina dhufaa jiru jalaa isaan fuudhee baasu barsiifamu. Wanti tokkollee balleessaa sabaa hin ariifachiisu, akkasumas isaaf hin bilcheessu, yaalii fooyya'inaaf godhame tuffachuun isaanii caalaa. Hin gowwoominaa, Waaqayyo hin qoofamu. Dambaliin fedha fi yaadota namaa, ajaja Isaatii qofaatti deebi'a, kan warra cubbuu fi balleessaa keessatti du'an du'aa kaasu. Babbareedina addaa argina, ayyaana Gooftaan warra umrii daa'imummaatti Fayyisaa beekuu fi jaallachuu barbaadanif kennu keessatti. Yesus, Ifa Ganamaa Ol-irraa dhufe, si daawwatee jiraa? Beekumsa ifa kanaa fi jireenya nama kanaa, akka Yosiyaas, dardarummaa kee irraa kaastee hordofuu ni dandeessaa? Yaa gammachuu dubbachuun hin danda'amne, Yesuusiin dardarummaa keenya jalqabaa irraa kaafnee beekuu!

Boqonnaa 34

Yihuudaan fi Yerusaalem akka barbadaa’an utuu hin argin dura, waggoota gaggaarii mootiin gaariin Yoosiyaas bulchaa ture keessa ni argina. Karaa carraaqqii isaa qulqulluu jijjiiramaaf godhe, Waaqayyo yeroo biraa isaan qore; yoo isaan guyyaa isaanii kana, guyyaa daawwannaa isaanii kana, wantoota nagaa isaaniif ta’an beekanii fi itti fayyadamanii turan, barbadaa’uun isaanii danda’ameera ture. Garuu bulchiinsa kana booda, wantoonni kun ija isaanii jalaa dhokatan, bulchiinsonni itti aanan immoo barbadaa’ina guutuu isaanitti fidan.

Boqonnaa kana keessatti, I. Amala Yoosiyaas ilaalchisee ibsa waliigalaa (Lakk. 1, 2) ni qabna.

II. Fedhii isaa waaqolii tolfamoo buqqisuuf qabu (Lakk. 3-7).

III. Dursaa isaa mana qulqullummaa suphuuf qabu (Lakk. 8-13).

IV. Kitaaba seeraa argamuu isaa fi itti fayyadama gaarii isaa (Lakk. 14-28).

V. Seerri ummataaf ifatti dubbifamuu isaa fi kanaan walqabatee kakuu Waaqayyoo wajjin haareffachuu isaanii (Lakk. 29-33). Baay’een kanaa 2 Mootota 22 keessatti argineerra.

Lakk. 1-7

Yoosiyaas ilaalchisee asitti kan nutti himame,

1. Inni yeroo baay’ee daa’ima turetti, umrii waggaa saddeetitti teessoo mootummaa irra taa’e (garuu daa’imummaan isaa mirga isaa irraa isa hin dhoorkine), waggaa soddomii tokkoof (Lakk. 1) bulche, kunis yeroo gahaadha. Haa ta’u malee, jalqaba bulchiinsa isaa keessa wantoonni akkuma yeroo abbaa isaa turanitti deeman jedheen sodaadha, sababiin isaas daa’ima waan tureef, bulchiinsa isaanii warra kaaniif dhiisuu qaba ture; kanaafuu, waggaa kudha lamaffaa isaa, kan umrii isaa keessatti baay’ee fagaatu, hamma jijjiiramni jalqabutti hin turre, Lakk. 3. Inni akkuma Hisqiyaas godhe, battalumatti hojii kana jalqabuu hin dandeenye.

2. Inni baay’ee gaariitti bulche (Lakk. 2), Waaqayyo duratti of fudhachiise, faana Daawit irra deeme, mirgaaf bitaattis hin dabne: sababiin isaas gama lamaanuu dogoggorri ni jira.

3. Inni yeroo daa’ima turetti, waggaa kudha jahaa ta’uutti, Waaqayyoon barbaaduu jalqabe, Lakk. 3. Inni akkuma Minaaseen qabu barumsa gaarii hin qabu ture jennee yaaduuf sababii qabna (warri isa cinaa turan isa balleessuuf yookiin isa jallisuuf hin yaalle yoo ta’e gaariidha); haa ta’u malee, inni yeroo daa’ima turetti akkasitti Waaqayyoon barbaade. Kun dirqamaa fi faayidaa dargaggootaati, keessattuu ulfina dargaggoota dhiiraa ta’a, yeroo umrii hubannaa ga’anitti Waaqayyoon barbaaduu jalqabuun; warri isa durfanii barbaadan isa ni argatuutii.

4. Waggaa kudha lamaffaa bulchiinsa isaa keessa, yeroo inni bulchiinsa mootummaa guutummaatti harka isaa keessa galche, mootummaa isaa hambaa waaqolii tolfamoo irraa qulqulleessuu jalqabe; iddoowwan ol ka’oo, bosona, bifa, iddoowwan aarsaa, meeshaalee waaqolii tolfamoo hunda barbadeesse, Lakk. 3, 4. Akkuma Minaaseen godhe isaan gatuu qofa osoo hin taane, caccabsee daaraa isaan godhe. Barbadaa’uun waaqolii tolfamoo kun asitti waggaa kudha lamaffaa isaa keessa ta’uu isaa dubbatameera, garuu (2 Mootota 23:23) waggaa kudha saddeettaffaa isaa keessa ta’uu isaa dubbatameera. Wanti tokko waggaa kudha lamaffaa isaa keessa hojjetameera ta’a; sana booda waaqolii tolfamoo qulqulleessuu jalqabe, garuu hojiin gaariin sun mormii waan isa mudateef, hamma waggaa ja’a booda kitaaba seeraa argatanitti guutummaatti hin raawwatamne. Garuu asitti hojiin guutuun gabaabsamee dhiyaateera, kan Mootota keessatti bal’inaan fi addatti ibsame. Fedhiin isaa kun Yihuudaa fi Yerusaalem qofa osoo hin taane, magaalaawwan Israa’el keessattis, hamma dhiibbaa isaan irratti qabutti, akka inni hojjetu isa kakaase.

Lakk. 8-13

Asitti,

1. Mootiin mana qulqullummaa suphuuf ajaja kenne, lakk. 8. Yeroo inni mana sana xuraa’umsa isaa irraa qulqulleesse, tajaajila achitti raawwatamuuf qopheessuu jalqabe. Akka kanaan, nutis mana qulqullummaa hafuuraa kan garaa keenyaa qulqulleessuu qabna; xuraa’umsa cubbuu irraa qulqulleessinee, sana booda bifa Waaqayyoo fakkaachuuf haareffamuu qabna. Yosiyaas ajaja kana keessatti Waaqayyoon Gooftaa Waaqa isaa jedhee waame. Warri dhugaan Waaqayyoon jaallatan, iddoo jireenya isaa ni jaallatu.

2. Kunis akka gaariitti kunuunfameera, kunuunsa bu’a qabeessa ta’een. Lewwonni biyya keessa deemuudhaan, kanaaf maallaqa walitti qaban; maallaqni kunis hojii gaggeessitoota sadan lakk. 8 irratti eeramanitti deebifame.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG ኢዮስያስም መንገሥ በጀመረ ጊዜ የስምንት ዓመት ልጅ ነበረ፥ በኢየሩሳሌምም ሠላሳ አንድ ዓመት ነገሠ። አማርኛ ENGNIV Josiah was eight years old when he became king, and he reigned in Jerusalem thirty-one years. English BCV ኢዮስያስ ክነግስ እንተሎ፥ ወዲ ሸሞንተ ዓመት ነበረ፤ ኣብ ኢየሩሳሌም ኮይኑ ኸዓ ሰላሳን ሓደን ዓመት ገዝአ። ትግርኛ GAZBIB Yosiyaas dhalatee waggaa saddeetitti mootii ta'ee, Yerusaalem keessa taa'ee waggaa soddomii tokko mo'e; Afaan Oromoo BCV GIZ ከዊኖ ወልደ ሰማኒቱ ዓመት አመ ያነግሥዎ ለኢዮስያስ ወሠላሳ ወአሐደ ዓመተ ነግሠ በኢየሩሳሌም። giz BCV aksum ኢዮስያስ ክነግስ እንተሎ፥ ወዲ ሸሞንተ ዓመት ነበረ፤ ኣብ ኢየሩሳሌም ኮይኑ ኸዓ ሰላሳን ሓደን ዓመት ገዝአ። ትግርኛ AMHNIV ኢዮስያስ በነገሠ ጊዜ ዕድሜው ስምንት ዓመት ነበር፤ በኢየሩሳሌም ተቀምጦም ሠላሳ አንድ ዓመት ገዛ። አማርኛ SWAHSUV Yosia alikuwa na umri wa miaka minane alipoanza kutawala; akatawala miaka thelathini na mmoja huko Yerusalemu. Kiswahili