1ffaa Seenaa Baraa 14

GAZGAZAfaan Oromoo17 Keeyyattoota3:59 Dhaggeeffadhu

Dhaggeeffadhu 3:59 · Idilee · Diraamaawaa Biblight keessatti bani

1Daawit mootichaaf mana mootummaa akka ijaaraniif Hiiraam mootiin Xiiros dhaabaa muka gaatiraa akkasumas namoota dhagaadhaan mana ijaaran, warra muka soofuu beekanis namoota isaatii wajjin in ergeef.

2Daawit saba Israa'el irratti mootii akka ta'uuf Waaqayyo isa cimsee, saba isaa Israa'el kanaaf jedhees mootummaa isaa baay'isee akka guddise Daawit in hubate.

3Daawit Yerusaalemittis immoo niitota baay'ee in fuudhe, ilmaanii fi intaloota baay'ee in godhate.

4Maqaan ijoollee inni Yerusaalemitti godhatees kanatti aanee kan jiruu dha; maqaan isaaniis Shamu'aa, Shobaab, Naataan, Solomoon,

5Yiibhaar, Eliishuwaa, Elphaalex,

6Nogaa, Nefeg, Yaafii'aa,

7Eliishaamaa, Ba'aal-Yaadaa fi Eliifelex.

8Daawit guutummaa Israa'el irratti dibamee moosifamuu isaa warri Filisxeem yommuu dhaga'an, hundumti isaanii isa qabachuudhaaf ol in ba'an; Daawit immoo kana dhaga'ee, isaan loluudhaaf itti in adeeme.

9Filisxeemonni dhufanii dachaa Refaa'iim keessa buufatanii rukuttaa in jalqaban.

10Yommus Daawit,“Warra Filisxeem kanatti duuluu” Ati harka koo keessa isaan in buuftaa?” jedhee Waaqayyoon in gaafate; Waaqayyo immoo,“Ani harka kee keessa isaan buuseeraatii, itti duuli!” jedheen.

11Daawit namoota isaa wajjin gara Ba'aal-Pheraaziimitti ol ba'ee, achitti Filisxeemota rukutee in mo'e; kanaafis Daawit,“Akkuma bishaan manii isaa cabsee yaa'uu akkasuma Waaqayyo harka kootiin diinota koo in caccabse” jedhe; kana irratti maqaan iddoo sanaa “Ba'aal-Pheraaziim” jedhamee moggaafame.

12Warri Filisxeem yommus waaqayyolii tolfamoo isaanii achitti dhiisanii in baqatan; abboommii Daawitiinis waaqayyoliin tolfamoon sun ibidda keessa buufamanii in gubaman.

13Filisxeemonni ammas deebi'anii dachaa sana keessa buufatanii rukutuu in jalqaban.

14Yommus Daawit ammoo Waaqayyoon in gaafate; Waaqayyo immoo deebiseefii,“Kallattiidhaan isaanitti ol hin ba'iniitii, karaa fuullee mukkeetii qilinxoo, dugda isaanii duubaan isaanitti dhaqi!

15Sagalee faana duulaa bantii qilxuuwwan sana irraan yommuu dhageessu, ani Waaqayyo loltoota Filisxeem rukutuudhaaf fuula kee dura bu'uu koo waan ta'eef, isaan loluudhaaf itti dhaqi!” jedhe.

16Daawit akkuma Waaqayyo isa abboome in godhe; Daawitii fi namoonni isaa Giibe'onii kaasanii hamma Gezeritti loltoota Filisxeem duukaa bu'anii in waraanan.

17Kana irratti maqaan Daawit biyya hundumaatti in beekame; akkasitti Waaqayyo sabni lafa irraa hundinuu isa akka sodaatan in godhe.

Ibsa

14:1-17 Moʼamoota Daawit.

Boqonnaa kana keessatti seenaa arganna: 1. Mootummaan Daawit hundeeffamuu isaa, 2. Maatiin isaa ijaaramee guddatee, akkasumas 3. Diinonni isaa injifataman. Kunis 2Sa 5 irraa deebiʼee caafameera. Ulfinni Daawit inni beekame sun akka fakkeenyaafi mallattoo ulfina guddaa Ilma Daawitii taʼutti haa ilaalamu.

Boqonnaa 14

Boqonnaa kana keessatti, wantoota armaan gadii qabna:

I. Mootummaan Daawit hundeeffameera (lakk. 1, 2).

II. Maatiin isaa ijaarameera (lakk. 3-7).

III. Diinonni isaa, Filisxeemonni, waraana lamaan injifataman (lakk. 8–17). Kun asitti 2 Saamu'el 5:11, kkf. irraa deebi'ameera.

Lakk. 1-7

Asitti wantoota armaan gadii ilaaluu dandeenya:

1. Nama ofuma isaatiin of danda'e tokkollee hin jiru, garuu inni ollaawwan isaa barbaada, gargaarsa isaaniitiifis galateeffachuu qaba. Daawit mootummaa guddaa qaba ture, Hiiraam immoo isa xiqqaa qaba ture; ta'us, Hiiraam hojjettootaa fi meeshaalee lamaanuu isaaf dhiyeesse malee, Daawit mana isaaf ta'u ijaarrachuu hin dandeenye, lakk. 1. Kun sababa nama tokkollee tuffachuu hin qabneef, garuu yeroo argannetti hundumaaf gaarummaa gochuu qabna.

2. Nama ogeessaaf tasgabbaa'uun gammachuu guddaadha, nama gaariidhaaf immoo tasgabbii isaatiin keessatti qophii addaa Waaqayyoo arguun. Uummanni Daawitiin mootii godhanii turan; garuu inni tasgabbaa'uu yookiin of gammadaa gochuu hin dandeenye, hamma Gooftaan mootii Israa'el akka isa godhe hubatutti, lakk. 2. "Yoo Waaqayyo na dhaabe, eenyutu na buqqisa?"

3. Olka'iinsa keenya hundumaa hojii keenyaaf akka ta'e ilaaluu qabna. Mootummaan Daawit ol kaafame, ofii isaatiif, akka inni guddaa fakkaatuuf osoo hin taane, sababa saba isaa Israa'eliif ture, akka inni isaaniif qajeelchaa fi eegaa ta'uuf. Eebbifamneerra, akka nu eebba taanuuf. Fakkeenyaaf, Uma. 12:2 ilaali. Ofii keenyaaf hin dhalanne, hin jiraannus.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG የጢሮስም ንጉሥ ኪራም ቤት ይሠሩለት ዘንድ መልእክተኞችን የዝግባ እንጨትንም ጠራቢዎችንም አናጢዎችንም ወደ ዳዊት ላከ። አማርኛ ENGNIV Now Hiram king of Tyre sent messengers to David, along with cedar logs, stonemasons and carpenters to build a palace fo… English BCV ኪራም ንጉስ ጢሮስ ድማ ንዳዊት ቤት ክሰርሑሉ ልኡኻትን ኦም ዝግባን ነደቕትን ፀረብትን ሰደደሉ። ትግርኛ GAZBIB Daawit mootichaaf mana mootummaa akka ijaaraniif Hiiraam mootiin Xiiros dhaabaa muka gaatiraa akkasumas namoota dhagaad… Afaan Oromoo BCV GIZ ወፈነወ ኪራን ንጉሠ ጢሮስ ተናብልተ ኀበ ዳዊት ወዓዲ ፈነወ ለዳዊት ዕፀወ አርዝ ወነደቅተ አረፍት ወጸረብተ ዕፀው ከመ ይኅንጹ ሎቱ ቤተ። giz BCV aksum ኪራም ንጉስ ጢሮስ ድማ ንዳዊት ቤት ክሰርሑሉ ልኡኻትን ኦም ዝግባን ነደቕትን ፀረብትን ሰደደሉ። ትግርኛ AMHNIV በዚህ ጊዜ የጢሮስ ንጉሥ ኪራም ለዳዊት ቤተ መንግሥት እንዲሠሩ መልክተኞችን፣ ድንጋይ ጠራቢዎችንና አናጢዎችን ከዝግባ ዕንጨት ጋር ላከ። አማርኛ SWAHSUV Naye Hiramu, mfalme wa Tiro, akatuma wajumbe kwa Daudi, akampelekea na mierezi, na waashi, na maseremala, ili wamjengee… Kiswahili