ወደ ቆላስይስ 1

AMHNIVአማርኛ29 ጥቅሶች4:55 አዳምጥ

አዳምጥ 4:55 · መደበኛ · አስደናቂ በBiblight ይክፈቱ

1በእግዚአብሔር ፈቃድ የክርስቶስ ኢየሱስ ሐዋርያ ከሆነው ከጳውሎስና ከወንድማችን ከጢሞቴዎስ፤

2በቈላስይስ ለሚኖሩ፣ በክርስቶስ ለሆኑ ቅዱሳንና ታማኝ ወንድሞች፤ ከእግዚአብሔር ከአባታችን ጸጋና ሰላም ለእናንተ ይሁን።

3ስለ እናንተ በምንጸልይበት ጊዜ የጌታችንን የኢየሱስ ክርስቶስን አባት እግዚአብሔርን ሁል ጊዜ እናመሰግናለን፤

4ምክንያቱም በክርስቶስ ኢየሱስ ስላላችሁ እምነትና ለቅዱሳን ሁሉ ስላላችሁ ፍቅር ሰምተናል፤

5ይህም የሆነው በሰማይ ተዘጋጅቶ ከተቀመጠላችሁ ተስፋ የተነሣ ነው፤ ስለዚህ ተስፋ በወንጌል የእውነት ቃል አስቀድማችሁ ሰማችሁ፤

6ይህም ወደ እናንተ ደርሶአል። ይህንም ወንጌል ከሰማችሁበትና የእግዚአብሔርን ጸጋ በእውነት ከተረዳችሁበት ቀን ጀምሮ በዓለም ዙሪያ እየሠራ እንዳለ ሁሉ በእናንተም ዘንድ ፍሬ እያፈራና እያደገ ነው።

7ይህንም ስለ እኛ የክርስቶስ ታማኝ አገልጋይ የሆነው፣ አብሮንም በአገልግሎት የተጠመደው ተወዳጁ ኤጳፍራ አስተማራችሁ፤

8ደግሞም በመንፈስ ስላላችሁ ፍቅር ነገረን።

9ከዚህ የተነሣ እኛ ደግሞ ይህን ከሰማንበት ቀን ጀምሮ እግዚአብሔር የፈቃዱን ዕውቀት በመንፈሳዊ ጥበብና መረዳት ሁሉ ይሞላችሁ ዘንድ ስለ እናንተ መጸለይና መለመን አላቋረጥንም፤

10የምንጸልየውም ለጌታ እንደሚገባ እንድትኖሩና በሁሉም ደስ እንድታሰኙት ነው፤ ይኸውም በመልካም ሥራ ሁሉ ፍሬ እያፈራችሁ እግዚአብሔርን በማወቅ እያደጋችሁ፣

11ታላቅ ጽናትና ትዕግሥት ይኖራችሁ ዘንድ፣ እንደ ክቡር ጒልበቱ መጠን በኀይል ሁሉ እየበረታችሁ፣ ደስ እየተሰኛችሁ፣

12በቅዱሳን ርስት በብርሃን ተካፋዮች ለመሆን ያበቃንን አብን እንድታመሰግኑ ነው።

13እርሱ ከጨለማ አገዛዝ ታደገን፤ ወደሚወደው ልጁ መንግሥትም አሻገረን፤

14በእርሱም መዋጀትን በደሙ አግኝተናል፤ ይህም የኀጢአት ይቅርታ ነው።

15እርሱ የማይታየው አምላክ አምሳል ነው፤ ከፍጥረት ሁሉ በፊት በኵር ነው፤

16ሁሉ ነገር በእርሱ ተፈጥሮአል፤ በሰማይና በምድር ያሉ፣ የሚታዩና የማይታዩ፣ ዙፋናት ቢሆኑ ወይም ኀይላት፣ ገዦች ቢሆኑ ወይም ባለሥልጣናት፣ ሁሉም ነገር በእርሱና ለእርሱ ተፈጥሮአል።

17እርሱ ከሁሉ በፊት ነው፤ ሁሉም ነገር በአንድ ላይ ተያይዞ የጸናው በእርሱ ነው።

18እርሱ አካሉ የሆነችው የቤተ ክርስቲያን ራስ ነው፤ በሁሉ ነገር የበላይነት ይኖረው ዘንድ እርሱ የመጀመሪያ፣ ከሙታን መካከልም በኵር ነው።

19እግዚአብሔርም ሙላቱ ሁሉ በእርሱ ይሆን ዘንድ ወዶአልና፤

20በመስቀሉ ላይ በፈሰሰው ደሙ ሰላምን በማድረግ በምድርም ሆነ በሰማይ ያለውን ነገር ሁሉ በእርሱ በኩል ከራሱ ጋር አስታረቀ።

21ከክፉ ባሕርያችሁ የተነሣ ቀድሞ ከእግዚአብሔር የተለያችሁ በአሳባችሁም ጠላቶች ነበራችሁ።

22አሁን ግን ነውርና ነቀፋ የሌለባችሁ ቅዱሳን አድርጎ በእርሱ ፊት ሊያቀርባችሁ፣ በክርስቶስ ሥጋ በሞቱ በኩል አስታረቃችሁ፤

23ይህም የሚሆነው በእምነታችሁ ተመሥርታችሁና ተደላድላችሁ በመቆም ከሰማችሁት የወንጌል ተስፋ ሳትናወጡ ጸንታችሁ ብትኖሩ ነው። እናንተ የሰማችሁትና ከሰማይ በታች ላለ ፍጥረት ሁሉ የተሰበከውም ወንጌል ይኸው ነው፤ እኔም ጳውሎስ ለዚህ ወንጌል አገልጋይ ሆንሁ።

24ስለ እናንተ በተቀበልሁት መከራ አሁንም ደስ ይለኛል፤ ክርስቶስ ስለ አካሉ ስለ ቤተ ክርስቲያን ከተቀበለው መከራ የጐደለውን በሥጋዬ አሟላለሁ።

25የእግዚአብሔርን ቃል በሙላት እንዳቀርብላችሁ ከእግዚአብሔር በተሰጠኝ ዐደራ የቤተ ክርስቲያን አገልጋይ ሆኛለሁ፤

26ይህም ቃል ከዘመናትና ከትውልዶች ተሰውሮ ምስጢር ሆኖ ቈይቶ ነበር፤ አሁን ግን ለቅዱሳኑ ተገልጦአል።

27ለእነርሱም እግዚአብሔር የዚህ ምስጢር ክብር ባለጠግነት በአሕዛብ መካከል ምን ያህል እንደሆነ ለማሳወቅ መረጠ፤ እርሱም የክብር ተስፋ የሆነው በእናንተ ውስጥ ያለው ክርስቶስ ነው።

28እኛም እያንዳንዱን ሰው በክርስቶስ ፍጹም አድርገን ማቅረብ እንችል ዘንድ፣ ሰውን ሁሉ በጥበብ ሁሉ እየመከርንና እያስተማርን እርሱን እንሰብካለን፤

29እኔም በብርታት በውስጤ በሚሠራው በእርሱ ኀይል ሁሉ እየታገልሁ ለዚህ ዐላማ እጥራለሁ።

ማብራሪያ

፩፡፩-፰ ሁሉም እውነተኛ ክርስቲያኖች እርስ በርሳቸው ወንድማማቾች ናቸው። ታማኝነት በክርስቲያናዊ ሕይወት ውስጥ በሚገኙ በሁሉም የባህርይ ገጽታዎችና ግንኙነቶች ውስጥ ይገለጻል። እምነት፣ ተስፋና ፍቅር በክርስቲያናዊ ሕይወት ውስጥ ሦስቱ ዋና ዋና ጸጋዎች ሲሆኑ፣ ለጸሎትና የምስጋና ምቹ ርዕሰ ጉዳዮችም ናቸው። ተስፋችንን በሌላው ዓለም ባለው ሽልማት ላይ ይበልጥ በጣልን ቁጥር፣ በምድራዊ ሀብታችን መልካም በማድረግ ይበልጥ ነጻ እንሆናለን። ለእነርሱ ተከማችቶላቸዋል፤ ምንም ጠላት ሊነጥቃቸው አይችልም። ወንጌል የእውነት ቃል ነው፤ ነፍሳችንንም በእርሱ ላይ በአስተማማኝ ሁኔታ ልንመሰርትበት እንችላለን። የወንጌልን ቃል የሚሰሙም ሁሉ የወንጌልን ፍሬ ማፍራት፣ ሊታዘዙትና መርሆቻቸውና ሕይወታቸውም በእርሱ መሠረት ሊቀረጽ ይገባል። ዓለማዊ ፍቅር ከጥቅም ፍለጋ ወይም ከአኗኗር ተመሳሳይነት የተነሣ ሲሆን፣ ሥጋዊ ፍቅር ደግሞ ከደስታ ምኞት ይነሣል። በእነዚህ ሁሉ ላይ ሁልጊዜም ብልሹ፣ ራስ ወዳድና ዝቅ ያለ ነገር ይጣበቃል። ነገር ግን ክርስቲያናዊ ፍቅር ከመንፈስ ቅዱስ ይነሣል፤ በቅድስናም የተሞላ ነው።

1:9-14

ሐዋርያው አማኞች በእግዚአብሔር ፈቃድ እውቀት በሁሉም ጥበብ እንዲሞሉ ዘወትር ይጸልይ ነበር። መልካም ሥራ ከሌለ መልካም ቃላት ብቻቸውን አይበቁም። ለሕዝቡ ብርታትን የሚሰጥ እርሱ የኃይል አምላክ፣ የክብርም ኃይል ያለው ነው። የዚህም ምንጭ ቅዱስ መንፈስ ነው። ለመንፈሳዊ ብርታት ስንጸልይ፣ በተስፋዎች አልተገደብንም፤ በተስፋዎቻችንና በምኞቶቻችንም እንዲሁ መሆን የለብንም። በአማኞች ልብ ውስጥ ያለው የእግዚአብሔር ጸጋ የእግዚአብሔር ኃይል ነው፤ በዚህም ኃይል ክብር አለ። የዚህ ብርታት ልዩ ጥቅም ለመከራ ነው። ብንመከርም እንኳ፣ የሚሠራ ሥራ አለ። በመከራዎቻቸው ሁሉ ውስጥ የጌታችን የኢየሱስ አብን አመሰገኑ፤ እርሱም በልዩ ጸጋው ቅዱሳን ወደ ተዘጋጀላቸው ውርስ እንዲካፈሉ ሙሉ በሙሉ አዘጋጃቸው። ይህን ለውጥ ለማምጣት፣ የሰይጣን ባሮች የነበሩት የክርስቶስ ፈቃደኛ ተገዢዎች ሆኑ። ወደፊት ለሰማይ የታሰቡ ሁሉ፣ አሁንም ለሰማይ ተዘጋጅተዋል። የልጅነት ውርስ ያላቸው፣ የልጆች አስተዳደግና የልጆች መንፈስ አላቸው።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

AMHEVG በእግዚአብሔር ፈቃድ የኢየሱስ ክርስቶስ ሐዋርያ የሆነ ጳውሎስ ጢሞቴዎስም ወንድሙ፥ አማርኛ ENGNIV Paul, an apostle of Christ Jesus by the will of God, and Timothy our brother, English BCV ብፍቓድ እግዚኣብሄር፥ ናይ ኢየሱስ ክርስቶስ ሃዋርያ ኻብ ዝኾነ ጳውሎስን፥ ካብ ሓውና ጢሞቴዎስን፥ ናብቶም ብክርስቶስ ዝኣመኑ ኣሕዋትናን፥ ኣብ ቈላስይስ ዘለዉ ቕዱሳንን፥ ትግርኛ GAZBIB Ani Phaawulos fedha Waaqayyootiin ergamaa Kristos Yesus kanan ta'e Ximotewos obboleessaa wajjin kana caafuu koo ti. Afaan Oromoo BCV GIZ እምጳውሎስ ሐዋርያሁ ለኢየሱስ ክርስቶስ በፈቃደ እግዚአብሔር ወጢሞቴዎስ እኁነ ለቅዱሳን እለ ውስተ ቈላስይስ ወምእመናን አኀዊነ በኢየሱስ ክርስቶስ። giz GAZGAZ Ani Phaawulos fedha Waaqayyootiin ergamaa Kristos Yesus kanan ta'e Ximotewos obboleessaa wajjin kana caafuu koo ti. Afaan Oromoo BCV aksum ብፍቓድ እግዚኣብሄር፥ ናይ ኢየሱስ ክርስቶስ ሃዋርያ ኻብ ዝኾነ ጳውሎስን፥ ካብ ሓውና ጢሞቴዎስን፥ ናብቶም ብክርስቶስ ዝኣመኑ ኣሕዋትናን፥ ኣብ ቈላስይስ ዘለዉ ቕዱሳንን፥ ትግርኛ SWAHSUV Paulo, mtume wa Kristo Yesu kwa mapenzi ya Mungu, na Timotheo, ndugu yetu, Kiswahili