2ኛ ተሰሎንቄ 1

AMHNIVአማርኛ12 ጥቅሶች2:22 አዳምጥ

አዳምጥ 2:22 · መደበኛ · አስደናቂ በBiblight ይክፈቱ

1ጳውሎስ፣ ሲላስና ጢሞቴዎስ፤ በእግዚአብሔር በአባታችን በጌታም በኢየሱስ ክርስቶስ ለሆኑት፣ ለተሰሎንቄ ሰዎች ቤተ ክርስቲያን፤

2ከእግዚአብሔር አብ፣ ከጌታ ከኢየሱስ ክርስቶስም ጸጋና ሰላም ለእናንተ ይሁን።

3ወንድሞች ሆይ፤ እምነታችሁ በየጊዜው እያደገ በመሄዱና የእርስ በርስ ፍቅራችሁም እየጨመረ በመምጣቱ ስለ እናንተ እግዚአብሔርን ሁል ጊዜ በሚገባ ማመስገን አለብን።

4ስለዚህ በደረሰባችሁ ስደትና መከራ ሁሉ በመጽናታችሁ፣ እኛ ራሳችን ስለ ትዕግሥታችሁና ስለ እምነታችሁ በእግዚአብሔር አብያተ ክርስቲያናት ዘንድ እንመካለን።

5ይህ ሁሉ የእግዚአብሔር ፍርድ ቅን መሆኑን የሚያመለክት ነው፤ ከዚህም የተነሣ መከራን ለምትቀበሉለት ለእግዚአብሔር መንግሥት የበቃችሁ ሆናችሁ ትቈጠራላችሁ።

6እግዚአብሔር ጻድቅ በመሆኑ መከራን ለሚያመጡባችሁ መከራን ይከፍላቸዋል፤

7መከራን ለተቀበላችሁት ለእናንተም ሆነ ለእኛ ደግሞ ዕረፍት ይሰጠናል። ይህም የሚሆነው ጌታ ኢየሱስ በሚንበለበል እሳት ከኀያላን መላእክት ጋር ከሰማይ በሚገለጥበት ጊዜ ነው።

8በዚያ ጊዜ እግዚአብሔርን የማያውቁትንና ለጌታችንም ለኢየሱስ ወንጌል የማይታዘዙትን ይበቀላል።

9እነርሱም ከጌታ ፊትና ከኀይሉ ክብር ተወግደው በዘላለም ጥፋት ይቀጣሉ፤

10የሚቀጡትም በቅዱሳኑ ዘንድ ሊከብርና በሚያምኑበትም ሁሉ ዘንድ ሊገረም በሚመጣበት በዚያን ቀን ይሆናል፤ እናንተም ከሚያምኑት መካከል ናችሁ፤ ምስክርነታችንን ተቀብላችኋልና።

11ይህን እያሰብን አምላካችን ለጥሪው የበቃችሁ አድርጎ እንዲቈጥራችሁ፣ መልካም ለማድረግ ያላችሁን ምኞትና ከእምነት የሆነውን ሥራችሁን ሁሉ በኀይሉ እንዲፈጽምላችሁ ዘወትር ስለ እናንተ እንጸልያለን።

12ደግሞም እንደ አምላካችንና እንደ ጌታ ኢየሱስ ክርስቶስ ጸጋ መጠን የጌታችን የኢየሱስ ስም በእናንተ ዘንድ እንዲከብርና እናንተም በእርሱ እንድትከብሩ ይህን እንጸልያለን።

ማብራሪያ

1:1-4 የጸጋ እውነት ባለበት ስፍራ፣ የእርሱም ጭማሪ ይኖራል። የጻድቅ መንገድ፣ እስከ ፍጹም ቀን ድረስ እየጨመረ እንደሚያበራ ብርሃን ነው። የጸጋም ጭማሪ ባለበት፣ ክብሩ ሁሉ ለእግዚአብሔር ብቻ ነው። እምነት በሚያድግበት ስፍራ ፍቅር ይበዛል፤ እምነት በፍቅር ይሠራልና። ከእግዚአብሔር የሚመጡ መከራዎችና ከሰዎች የሚደርስ ስደት የእነዚያን ጸጋዎች ትግበራ በሚያፋጥኑበት ጊዜ፣ ለሌሎች ምሳሌ ሆኖ ሊቀርብ የሚችል እምነትንና ትዕግሥትን ያሳያል። ሐዋርያው የተመካባቸው ትዕግሥትና እምነት እነርሱን ደግፈው ሁሉንም መከራዎቻቸውን እንዲጸኑ አስችለዋቸዋልና።

1:5-10 ሃይማኖት ዋጋ ያላት ከሆነ፣ የሁሉንም ነገር ዋጋ ናት፤ ሃይማኖት የሌላቸው፣ ወይም ሊኖራቸው የማይገባ፣ ወይም እንዴት ማድነቅ እንዳለባቸው የማያውቁ ሰዎች፣ ስለርሷ ለመሰቃየት ልባቸው አይፈቅድላቸውም። በምንም ዓይነት መከራችን፣ እንዲሁም በአገልግሎታችን፣ መንግስተ ሰማይን መብቃት አንችልም፤ ነገር ግን በመከራ ውስጥ ባለን ትዕግስት፣ ለተስፋው ደስታ እንዘጋጃለን። ለዘላለማዊ ጥፋት ሰውን ከሚያመላክቱ ነገሮች ሁሉ እጅግ የላቀው ምልክት የእግዚአብሔርን ስምና ሕዝቡን ማሳደድና መጥላት ነው። እግዚአብሔር ሕዝቡን የሚያስጨንቁትን ያስጨንቃቸዋል። ለእግዚአብሔር ሕዝብም ዕረፍት አለ፤ ይህም ከኃጢአትና ከሐዘን ዕረፍት ነው። የወደፊቱ ምንዳ እርግጠኛነት በእግዚአብሔር ጽድቅ የተረጋገጠ ነው። ይህን ማሰብ ለክፉዎች አስፈሪ ሲሆን፣ ለጻድቃን ግን ማጽናኛ ነው።

ታላቁን ቀን የሚመለከት እምነት፣ ለማያምኑት ግራ የሚያጋባ የሚመስለውን የእግዚአብሔርን አሳብ (አስተዳደር) በከፊል ለመረዳት ያስችለዋል። በዚያ ቀን ጌታ ኢየሱስ ክርስቶስ ከሰማይ ይገለጣል/ይታያል። በሰማያዊው ዓለም ክብርና ኃይል ይመጣል።

ሙሉ ማብራሪያውን ያንብቡ ድምፅ፣ ሙሉ ማብራሪያ እና ከመስመር ውጭ ንባብ

ትርጉሞች8 · 6

AMHEVG ጳውሎስና ስልዋኖስ ጢሞቴዎስም፥ በእግዚአብሔር በአባታችን በጌታ በኢየሱስ ክርስቶስም ወደምትሆን ወደ ተሰሎንቄ ሰዎች ቤተ ክርስቲያን፤ አማርኛ ENGNIV Paul, Silas and Timothy, To the church of the Thessalonians in God our Father and the Lord Jesus Christ: English BCV ካብ ጳውሎስን ስልዋኖስን ጢሞቴዎስን፥ ናብታ ኣብ እግዚኣብሄር ኣቦናን፥ ኣብ ጐይታና ኢየሱስ ክርስቶስን፥ ዘላ ቤተ ክርስቲያን ተሰሎንቄ። ትግርኛ GAZBIB Phaawulos, Silwaanosii fi Ximotewos biraa, gara waldaa warra Tasaloniiqee isa kan Waaqayyoo abbaa fi kan gooftaa Yesus … Afaan Oromoo BCV GIZ እምጳውሎስ ወስልዋኖስ ወጢሞቴዎስ ለቤተ ክርስቲያን ዘተሰሎንቄ ምእመናን በእግዚአብሔር አቡነ ወእግዚእነ ኢየሱስ ክርስቶስ። giz GAZGAZ Phaawulos, Silwaanosii fi Ximotewos biraa, gara waldaa warra Tasaloniiqee isa kan Waaqayyoo abbaa fi kan gooftaa Yesus … Afaan Oromoo BCV aksum ካብ ጳውሎስን ስልዋኖስን ጢሞቴዎስን፥ ናብታ ኣብ እግዚኣብሄር ኣቦናን፥ ኣብ ጐይታና ኢየሱስ ክርስቶስን፥ ዘላ ቤተ ክርስቲያን ተሰሎንቄ። ትግርኛ SWAHSUV Paulo, na Silwano, na Timotheo, kwa kanisa la Wathesalonike, lililo katika Mungu Baba yetu, na Bwana Yesu Kristo. Kiswahili