Mul'ata 20

GAZGAZAfaan Oromoo15 Keeyyattoota3:42 Dhaggeeffadhu

Dhaggeeffadhu 3:42 · Diraamaawaa Biblight keessatti bani

1Kana booddees ergamaan banaa iddoo isa lafa jala sanaa, fuuncaa guddaas of harkaa qabu tokko, waaqa keessaa gad bu'uu isaa nan arge.

2Inni bineensa akka jawwee, bofa bara durii, Diiyaabilos, Seexana sana qabee, waggaa kuma tokkoof in hidhe.

3Waggaan kumni sun hamma raawwatamutti, akka inni deebi'ee saba biyya lafaa hin wallaalchifnetti, iddoo isa lafa jalaa sanatti darbatee, balbala itti cufee mallattoo itti godhe; isa booddee garuu yeroo muraasaaf gad dhiifamuun in ta'aaf.

4Kana booddees teessotaa fi warra firdii kennuun isaaniif kenname teessota sana irra taa'an nan arge; akkasuma immoo lubbuu warra isa Yesus dhugaa ba'etti, dubbii Waaqayyoottis jabaachuu isaaniitiif mormatti kukkutamanii, warra bineensichaaf, fakkeenya isaaf hin sagadin, gubaa isaas adda isaanii fi harka isaaniitti hin fudhatin nan arge. Isaan deebi'anii jiraatanii, waggaa kuma tokkoof Kristosii wajjin in mo'an.

5Kun du'aa ka'uu isa duraa ti; warra du'an keessaa isaan kana malee, warri hafan, waggaan kumni sun hamma raawwatamutti deebi'anii hin jiraanne.

6Namni du'aa ka'uu isa duraa kana keessaa qooda qabu attam gammada! Attamis Waaqayyoof kan qulqullaa'ee dha! Duuni lammaffaan warra akkasii irratti humna hin qabu; isaanoo luboota Waaqayyoo, luboota Kristosis ta'anii, isaa wajjin waggaa kuma tokkoof mo'uuf jiru.

7Waggaan kumni sun yommuu raawwatamu, Seexanni iddoo itti hidhamee turee gad in dhiifama.

8Inni saba golee lafaa arfan keessa jiran Googin, Maagooginis, gowwoomsuudhaaf, lolaaf walitti isaan qabuudhaafis in ba'a; lakkoobsi isaaniis akka cirracha galaanaa ti.

9Isaan kun lafa bal'aatti ba'anii, buufata warra Waaqayyoof qulqullaa'anii, mandara jaallatamtuu sanas in marsan; garuu ibiddi waaqa keessaa bu'ee isaan fixe.

10Seexanni inni isaan gowwoomses kuufama ibiddaa fi dhagaa boba'u, lafa bineensichii fi raajiin sobduun sun jiranitti gad in darbatame; isaan baraa hamma bara baraatti halkanii fi guyyaa dhiphifamuuf jiru.

11Kana booddees teessoo adii guddaa tokkoo fi isa teessicha irra taa'e nan arge; laftii fi waaqni fuula isaa duraa in baqatan, iddoonis isaaniif hin argamne.

12Warra du'anis xinnaa fi guddaa teessicha dura utuu dhaabatanii nan arge. Macaafonni in banaman; macaafni biraa, inni warri jireenya argachuuf jiran itti caafaman tokkos in baname; warri du'an immoo akka hojii dur hojjetaniitti, akka isa macaafota keessatti caafameettis firdii argatan.

13Galaanni warra du'anii isa keessa turan of keessaa baasee in kenne. Duunii fi mootummaan warra du'aniis, warra du'anii isaan harka turan of harkaa baasanii in kennan; namni hundinuu adduma addaan akka hojii isaatiitti firdii in argate.

14Kana booddees duunii fi mootummaan warra du'anii kuufama ibiddaatti gad in darbataman; kuufamni ibiddaa kun du'a isa lammaffaa dha.

15Namni maqaan isaa macaafa isa warri jireenya argachuuf jiran keessatti caafaman keessatti hin argaminis, kuufama ibiddaatti gad in darbatame.

Ibsa

Mul'ata 20:1-3.

Kun mul'ata, Seexana mataa isaa irratti hidhaa kaa'ame fakkeenyaan kan agarsiisuudha. Kiristoos, humna Waaqayyoo Hundaa Danda'uutiin, diyaabiloos namoota akkuma hanga ammaatti gowwoomsaa turetti, gowwoomsuu irraa ni ittisa. Inni yoomiyyuu humna Seexanaa cabsuuf humnaafi meeshaalee hin dhabu. Kiristoos humna isaatiin ni cufa, akkasumas aboo isaatiin ni mallatteessa/cufata. Waldichi yeroo nagaafi badhaadhinaa ni qabaata, garuu qorumsi ishee hundi ammaaf hin dhumni.

20:4-6

Asitti waa'ee mootummaa qulqullootaa, yeroo Sanxaanos itti hidhame waliin wal qixa ta'eef, ibsameera. Isaan Kiristoos wajjin dhiphatan, ogummaa isaa, qajeelummaa isaa fi qulqullina isaa wajjin wal simuudhaan, mootummaa isaa isa hafuuraa fi samiirratti isa wajjin ni mo'u. Kun du'aa ka'uu isa jalqabaa jedhama, kan Kiristoos tajaajilan fi isaaf dhiphatan qofti ittiin eebbifaman. Gammachuun hojjettoota Waaqayyoo kanaa ifatti ibsameera. Warri qulqulluu ta'an malee homtinuu eebbifamuu hin danda'u; akkasumas warri qulqulluu ta'an hundi ni eebbifamu. Waa'ee du'a jalqabaa wanta tokko tokko ni beekna, inninis baay'ee sodaachisaa dha; garuu waa'ee du'a lammaffaa kanaa hin beeknu. Inni caalaatti sodaachisaa ta'uu qaba; inni du'a lubbuuti, Waaqayyoo irraa gargar ba'uu bara baraati. Yoomiyyuu isa hin arginu haa ta'u: Warri du'aa ka'uu hafuuraa irraa hirmaatoo ta'an, humna du'a lammaffaa irraa fayyan. Balleessamuu humnoota Kiristoos-mormitootaa, waaqa tolfatan waaqeffatootaa fi dhiphsitootaa booda waggaa kuma tokko akka dhufu ni eegna; yeroo sana keessa Kiristinummaan qulqulluun, barumsa isaa, waaqeffannaa isaa fi qulqullina isaa wajjin, lafa hundumaa irratti beekamaa ni ta'a. Hojii Hafuura Qulqulluu isa hunda danda'uun, namni kufe uumama haaraa ni ta'a; akkasumas amantii fi qulqullinni guutummaatti ni mo'u, akkuma amantii dhabuu fi qulqullina dhabuun amma mo'u.

Ibsa guutuu dubbisi Sagalee, ibsa guutuu fi dubbisa toora alaa

Hiikkoowwan8 · 6

AMHEVG የጥልቁንም መክፈቻና ታላቁን ሰንሰለት በእጁ የያዘ መልአክ ከሰማይ ሲወርድ አየሁ። አማርኛ ENGNIV And I saw an angel coming down out of heaven, having the key to the Abyss and holding in his hand a great chain. English BCV ሽዑ ሓደ መልኣኽ፥ ካብ ሰማይ ክወርድ እንተሎ ረአኹ፤ ንሱ መኽፈቲ ናይቲ ዓሚቝ ጕድጓድን፥ ገዚፍ መቑሕን፥ ኣብ ኢዱ ሒዙ ነበረ። ትግርኛ GAZBIB Kana booddees ergamaan banaa iddoo isa lafa jala sanaa, fuuncaa guddaas of harkaa qabu tokko, waaqa keessaa gad bu'uu i… Afaan Oromoo BCV GIZ ወእምዝ ወረደ ካልእ መልአክ እምሰማይ ወይጸውር መራኁተ ፀሓይ ወዐበይት መዋቅሕት ውስተ እዴሁ። giz BCV aksum ሽዑ ሓደ መልኣኽ፥ ካብ ሰማይ ክወርድ እንተሎ ረአኹ፤ ንሱ መኽፈቲ ናይቲ ዓሚቝ ጕድጓድን፥ ገዚፍ መቑሕን፥ ኣብ ኢዱ ሒዙ ነበረ። ትግርኛ AMHNIV የጥልቁን መክፈቻና ትልቅ ሰንሰለት በእጁ የያዘ መልአክ ከሰማይ ሲወርድ አየሁ። አማርኛ SWAHSUV Kisha nikaona malaika akishuka kutoka mbinguni, mwenye ufunguo wa kuzimu, na mnyororo mkubwa mkononi mwake. Kiswahili